Vazhdon trendi i uljes së çmimeve

çmimet për mallra dhe shërbime, në janar kanë qenë për 0.4% më të ulëta se në dhjetorin e vitit 2015, por 1.3 % krahasuar me janarin e vitit 2015

Në Zvicër edhe gjatë janarit ka vazhduar trendi i uljes së çmimeve, që ka dominuar edhe gjatë viitit të kaluar.

Kështu, çmimet për mallra dhe shërbime, marrë në përgjithësi, në muajin janar kanë qenë për 0.4% më të ulëta se në dhjetorin e vitit 2015, njofon srf.ch. Ndërkaq, siç njofton Zyra Federale për Statistikë, (BFS) çmimet në fjalë kanë shënuar rënie prej 1.3 për qind në krahasim me janarin e vitit të kaluar.

Rënia më e madhe e çmimeve gjatë janarit të këtij viti është regjistruar te karburantete e naftës, transmeton albinfo.ch. Ndërsa edhe shitja me çmime të zbritura i produkteve të veshmbathjes ka pasur ndikimin e vet të theksuar në trendin e përgjithshëm të zbritjes.

Sigurimet private dhe trafiku ajror po ashtu janë dalluar me çmime më të ulëta gjatë janarit 2016.

Është interesante se mallrat me burim vendor gjatë muajit të përmendur, kanë pasur një çmim mesatar më të lartë në krahasim me muajin paraprak, gjegjësisht plus 0.1%. Ndërsa gjatë tërë vitit kjo rritje ka qene 0.6%. Por mallrat e importuara në periudhën dhjetor 2015-janar 2016 kanë qenë 1.9% më të lira dërsa në periudhën janar 2015-janar 2016 plot 3.3%