Vdes 23-vjeçari nga Peja, i lënduar në vendin e punës

Ai është aksidentuar një javë më parë në vendin e punës në ndërtimtari

Një 23 vjeçar nga komuna e Pejës, ka humbur jetën të dielën si pasojë e lëndimeve që kishte marrë një javë më parë në vendin e punës.

M. Belegu kishte pësuar lëndime në vendin e tij të punës, teksa po punonte në ndërtimtari, si pasojë e këtyre lëndimeve ai ka ndërruar jetë në QKUK, shkruajnë mediat vendore.

Lajmin e ka konfirmuar për media, zëdhënësi i policisë për rajonin e Pejës, Xhevat Ibraj. Ai ka thënë se viktima ka qenë i shtruar në spital që nga data 19 gusht, dhe nuk ka mundur t’u përballoj lëndimeve që ka marrë, përcjell albinfo.ch.

“Policia e Kosovës përkatësisht Drejtoria Rajonale e Policisë në Pejë, mbrëmjen e kaluar nga QKUK –Prishtinë ka pranuar njoftimin se ne repartin intensiv ka ndërruar jetë viktima M.B. (1994), i cili ishte i hospitalizuar me datë 20 gusht, pasi duke punuar në ndërtimtari ishte rrëzuar dhe kishte marrë lëndime të rënda trupore me datë 19 gusht, në fshatin Kashicë- Komuna Istog. Lidhur me ketë është informuar prokurori i shtetit i cili urdhëron që të intervistohen familjaret rreth ndonjë dyshimi të mundshëm në rast.

Rasti është cilësuar si “Hetim i vdekjes”. Hetuesit policor kanë kryer të gjitha veprimet e nevojshme në koordinim të plotë me prokurorin e shtetit dhe trupi ju lirohet familjarëve. Rasti mbetet nën hetim”, thuhet në komunikatë.