Vdes pushuesi kosovar në bregdetin e Shkëmbit të Kavajës

68 vjeçari kosovar kishte humbur ndjenjat në bregdet e më pas ishte dërguar me emërgjencë në spital por nuk kishte mbijetuar.

Një 68 vjeçar, inicialet e të cilit janë A.I nga Kosova, ka vdekur gjatë ditës së sotme në bregdetin e Shkëmbit të Kavajës. 

Viktima ishte pushues nga Kosova, shkruan Albinfo.ch. 

Policia tha se kosovari ka qenë në breg të detit kur humbi ndjenjat.

68 vjeçari më pas u dërgua me urgjencë në spital, por rrugës për në spital ka vdekur.

Sipas policisë 68 vjeçari dyshohet se kishte pësuar atak kardiak. 

Policia ka nisur hetimet për të zbardhur ngjarjen.