“Vendi po braktiset nga të rinjtë”, publikohet raporti ndërkombëtar

Lulzim Basha ka publikuar raportin e Global Talent Competitiveness Index për vitin 2020, e cila ka në vëmendje të rinjtë dhe aftësinë e vendeve për të konkurruar me talentë.

Sipas tij, ky është raporti i 10-të që evidenton korrupsionin e qeverisë pasi të rinjtë dhe të shkolluarit po zbrazin vendin prej papunësisë, varfërisë dhe korrupsionit më të lartë në Evropë.

Raporti Global Talent Competitiveness Index është i dhjeti studim që evidenton korrupsionin e qeverisë si problem për shoqërinë shqiptare.

“Vendi ynë po zbrazet dhe po braktiset nga të rinjtë dhe të shkolluarit, sepse ka papunësinë më të lartë në rajon, varfërinë më të lartë në Evropë, korrupsionin më të lartë në Ballkan, dhe mungesë të Shtetit të së Drejtës dhe meritokracisë.

Por, nuk ka pse të jetë kështu. Ne kemi të gjithë potencialin për mirëqenie dhe zhvillim këtu në vendin tonë. Kemi propozuar masa emergjente për çlirimin e ekonomisë me ligjet antimafia dhe antioligarki që tregu i lirë të funksionojë për të gjithë, jo vetëm për ca.

Global Talent Competitiveness Index 2020 është i dhjeti raport që evidenton korrupsionin e qeverisë si problem për shoqërinë shqiptare. Vendi ynë po zbrazet dhe po braktiset nga të rinjtë dhe të shkolluarit, sepse ka papunësinë, varfërinë dhe korrupsionin më të lartë në Europë”, shkruan ai, sipas mediave shqiptare, përcjell albinfo.ch.

---