Më 27 prill do të merret vendimi lidhur me Ramush Haradinajn.
Sic raportojnë mediat në Prishtinë, lajmin e ka bërë të ditur vetë kreu i AAK-së, ish-kryeministri i Kosovës, Ramush Haradinaj.
“Vendimi do të merret më 27 prill.”, ka thënë Haradinaj pasi ka përfunduar seanca dëgjimore në Colmar të Francës.
“Po presim edhe këto tri javë. Jemi të drejtë dhe e drejta ka për të fituar”, ka thënë Haradinaj.
Ish-kryeministri i Kosovës dhe ish komandanti më në zë i UÇK-së, u ndalua nga autoritetet franceze më 4 janar në bazë të një urdhër-arresti të lëshuar nga Serbia përmes INTERPOL-it.
