Veseli e refuzon kalimin në Turqi

Mbrojtësi i Shqipërisë dhe Empolit, Frederik Veseli e ka refuzuar kalimin tek klubi turk Denizlispor. Atëherë kur dukej thjeshtë një formalitet kalimi i tij te skuadra e sapo ngjitur në Superligën, mbrojtësi e ka refuzuar kalimin e tij në Turqi.

Veseli nuk ka qenë i bindur nga Denizlispor dhe nuk e ka pranuar këtë destinacion. Klubi i Empolit dhe klubit turk kanë pasur marrëveshje mes vete.

Në anën tjetër lojtarit i është ofruar një pagë shumë më e mirë se sa që e ka aktualisht. Veseli me shumë gjasë do të largohet nga Empoli në këtë verë dhe është në pritje të ofertave të tjera raporton Telegrafi, përcjell Albinfo.ch.