Veseli flet për suksesin e futbollistëve të kombëtares kosovare

Kryetari i Kuvendit, Kadri Veseli, ka vizituar mbrëmjen e sotme Kombëtaren e Kosovës, e cila ka zhvilluar stërvitje pak ditë para lojës, e cila do të zhvillohet të enjten.

Ai ka thënë se suksesi i sportistëve është shembull.

“Është përherë ndjenjë e veçantë të takoj djemtë e Kombëtares sonë në futboll. Edhe pak ditë ata fillojnë rrugëtimin e ri të kualifikimeve për Evropian. Ne jemi shumë krenarë me suksesin e arritur deri më tani, por mbi të gjitha jemi krenarë me vullnetin dhe zemrën e tyre të madhe, për t’i sjellë edhe më shumë suksese vendit tonë. Puna dhe suksesi i sportistëve tanë është shembull. Ne do të punojmë edhe më shumë në përmirësimin e infrastrukturës sportive”, tha Veseli.