Veseli thotë se Rusia shkon drejt njohjes së Kosovës

Në mbledhjen e parë të Kryesisë së Kuvendit të Kosovës për sesionin pranveror, kryetari i Kuvendit të Kosovës komentoi edhe vizitën e djeshme të presidentit rus, Vladmir Putin, në Beograd.

Veseli tha se Rusia po shkon drejt njohjes së Kosovës.

“Ne jemi me Amerikën dhe perëndimorët, fqinji ynë në pjesën veriore po pretendon të dalë mirë me partnerët tanë, por po ia hap dyert Rusisë. Sido që të jetë, në vizitën e Putinit në Serbi pas takimit me Thaçin, vini vëmendje këtij fakti, janë të njëjtat mesazhe, të cilat ia ka thënë presidentit tonë, po ato janë thënë edhe në Serbi dhe do të thotë që Rusia është duke shkuar drejt njohjes së Republikës së Kosovës”, tha Veseli, duke shtuar se Kosova këtë vit do të jetë anëtare e OKB-së.