Vetëm dy shqiptarë ftohen në kombëtaren e Zvicrës

Është shpallur lista me 23 futbollistë të kombëtares së Zvicrës, për dy sfidat kualifikuese për Kampionatin Evropian.

Përzgjedhësi i kombëtares së Zvicrës, Vlladimir Petkoviç, ka ftuar dy shqiptarë, kapitenin Granit Xhakën dhe Admir Mehmedin, mungon Xherdan Shaqiri për shkak të lëndimit dhe Albian Ajeti nuk është përfshirë në listë, përcjell albinfo.ch.

Zvicra do të takohet me Danimarkën (e shtunë, 12 tetor, 18.00 në Kopenhagë) dhe kundër Irlandës (e martë, 15 tetor, ora 20,45 në Gjenevë).

Lista: Yvon Mvogo, Jonas Omlin, Yann Sommer, Manuel Akanji, Loris Benito, Eray Cömert, Nico Elvedi, Stephan Lichtsteiner, Kevin Mbabu, Michael Lang, Ricardo Rodriguez, Fabian Schär, Josip Drmiç, Breel Embolo, Edimilson, Remo Freuler, Mario Gavranoviç, Admir Mehmedi, Haris Seferoviç, Djibril Sow, Renato Steffen, Granit Xhaka dhe Dennis Zakaria.