Vetëm 22% e menaxherëve të lartë në Zvicër, janë gra

@unsplash

Sipas raportit më të fundit të inteligjencës gjinore nga shoqata Advance dhe Universiteti i St Gallenit, gratë mbeten të nën-përfaqësuara në dhomat e këshillit të kompanive zvicerane dhe në nivelet e larta të menaxhimit.

Ndërsa gratë përfaqësohen pothuajse në mënyrë të barabartë si burrat në pozita jo menaxheriale, pjesa e tyre në menaxhmentin e lartë është pak më shumë se një e pesta. Sipas studimit, pabarazia rritet me çdo nivel drejtues, transmeton albinfo.ch.

Përqindja e grave në shkallën e parë të shtresës drejtuese është 38%, e ndjekur nga 29% dhe 23% në menaxhmentin e ri dhe të mesëm. Në nivelet e larta drejtuese, përqindja e grave është 22%, që korrespondon me një rritje prej 1% brenda një viti, shkruan swissinfo.

Raporti i Inteligjencës Gjinore u publikua për herë të tetë në vitin 2024. Analiza bazohet në të dhëna anonime nga 370,000 punonjës nga mbi 90 kompani dhe organizata në Zvicër.