Vetëm 27% të zviceranëve, pro pensionimit në moshën 67 vjeçare

Një sondazh i bërë së fundi në mesin e popullatës zvicerane ka nxjerrë në pah se një shumicë e zviceranëve me të drejtë vote janë kundër kësaj zgjatje. Siç shkruan gazeta “SonntagsZeitung”, 57 për qind e tyre do ta kundërshtonin një gjë të tillë

Në Zvicër ka kohë që shqyrtohet mundësia e ngritjes së moshës për pensionim, nga 65 sa është sot për burrat e 64 për gratë në 67 vjet për të gjithë. Kjo ngritje moshe imponohet nga rritja e moshës mesatare të zviceranëve. Zgjatja e jetës së tyre pas pensionimit përbën problem për fondet e pensioneve pasi që ka gjithnjë më pak të rinj që punojnë në mënyrë që të mbushen ato fonde, të cilat kanë gjithnjë më shumë pleq për t`i shfrytëzuar.

Një sondazh i bërë së fundi në mesin e popullatës zvicerane ka nxjerrë në pah se një shumicë e zviceranëve me të drejtë vote janë kundër kësaj zgjatje. Siç shkruan gazeta “SonntagsZeitung”, 57 për qind e tyre do ta kundërshtonin një gjë të tillë, transmeton albinfo.ch. Fjala është për propozimin që sanimi i nevojshëm i fondit pensional të bëhet në mënyrë graduale ashtu që pas një kohe, mosha e pensionimit të shtyhej në 67 vjet. Vetëm 27% janë në favor të një zgjidhjeje të tillë dhe 16% janë të papërcaktuar.

Në asnjërën nga kategoritë e moshave nuk ka pasur shumicë shtimi në fjalë i moshës. Ndërsa shikuar sipas përkatësisë partiake, vetëm te FDP/PLR-ja kemi 50% në favor të propozimit në fjalë, pëercjell albinfo.ch. Ndërsa te mbështetësit e SVP/UDC-së ka më së shumti kundërshtarë, gjegjësisht 68% të zgjedhësve të kësaj partie do të ishin kundër.