VIDEO: Kosovarët “shpëtojnë” përkujdesjen gjermane

Përderisa në Gjermani sundon mungesa akute e personelit përkujdesës, shumë infermierë në Kosovë nuk po mund të gjejnë punë.

Për shkak se vetë ëndërrojnë për një të ardhme më të mirë, ata investojnë shumë para për një shkollim në gjuhën gjermane.

Në një reportazh të Televizionit gjerman N-TV, mund të ndiqni se si infermierët kosovarë trajnohen në Kosovë për një vend pune në Gjermani. Një punë e tillë, për Elmedinën 20-vjeçare, është shumë atraktive.

“Dua të shkoj në Gjermani, pasi vendi im nuk më ofron diçka të mjaftueshme për një jetë dinjitoze”, deklaron Elmedina për N-TV, përcjell Albinfo.ch.

Në Kosovë jo vetëm për infermierët që është e vështirë të gjendet ndonjë punë, por 35 për qind e popullatës janë të papunë. Sidomos, të rinjtë këtu nuk shohin ndonjë perspektivë.

Akademia gjermane e infermierëve për çdo vit trajnon rreth 70 inferimerë, të cilët për çdo muaj paguajnë nga 140 euro për trajnimin e tyre, që për në Kosovë janë para të mëdha. Për më tepër, mund ta ndiqni reportazhin në fjalë, në vegzën në vijim:
https://www.n-tv.de/mediathek/sendungen/auslandsreport/Kosovaren-retten-deutsche-Pflege-article20826951.html