Vitin e kaluar: trafikantët fituan katër miliardë dollarë nga refugjatët

Trafikimi i paligjshëm i refugjatëve në Bashkimin Evropian vitin e kaluar solli fitim prej rreth katër miliardë dollarësh, tha Bernd Kerner, udhëheqës i agjencisë kufitare të BE-së, Frontex, përcjell albinfo.ch.

Të ardhurat nga tregtia janë rritur ndjeshëm në vitin 2015, duke u bërë një nga format më fitimprurëse të biznesit kriminal.

Nëpërmjet rrugës ballkanike për të mbërritur në BE erdhen 800 mijë refugjatë, shumica nga vendet e Lindjes së Mesme.

Ndërkohë Frontex ka shënuar përmirësim të dukshëm duke forcuar kufijtë e jashtëm të BE-së dhe duke ushtruar kontrolle të rrepta për emigrantët.