VLEN në Cyrih: “Në qeverinë e VLEN, mërgatës do t’i jepet rëndësi e dorës së parë”

Në Cyrih të Zvicrës bashkatdhetarët të shtunën mbrëma kanë mirëpritur koalicionin VLEN, ku ishin shumë të pranishëm.

“Në qeverinë e VLEN, mërgatës do t’i jepet rëndësi e dorës së parë, sidomos në lehtësime fiskale e tatimore, për investimet e tyre në Maqedoninë e Veriut.

Faleminderit pafund për këtë pritje madhështore bashkatdhetarëve tanë në Cyrih të Zvicrës!”, ishte postimi nga koalicioni VLEN në rrjetet sociale.

Mëngjesin e sotëm, me tu kthyer nga takimet që patën me shqiptarët e diasporës në Berlin të Gjermanisë e Cyrih të Zvicrës, liderët e koalicionit VLEN takuan kryeministrin e Kosovës, Albin Kurti në Prishtinë.

Kreu i Alternativës, Afrim Gashi ka bërë të ditur se kryeministri Kurti, i cili e pati të pamundur të ishte me ne në diasporë, shprehu edhe njëherë mbështetjen e tij të parezervë për koalicionin VLEN.

“Albini e kishte të pamundur të na bashkëngjitet në Berlin e Cyrih, por sot na priti në zyrën e tij në Prishtinë për të na e rikonfrmuar edhe një herë mbështetjen e parezervë”, ka thënë Gashi.

Ai ka njoftuar se në këtë takim u njoftuan nga afër me rreziqet nga manovrat serbe në kufi me Kosovën.

“Tentativat për kanosje ndaj Kosovës kanë marrë fund, ashtu siç ka marrë fund edhe ëndrra e madhe serbe e quajtur Ballkanin e Hapur”.

Sipas Gashit, ky takim ishte rikonfirmim i bashkëpunimit të ngushtë për ta bërë ndryshimin e madh në Maqedoninë e Veriut.

https://www.facebook.com/100044579644794/posts/977249333771046/?rdid=UMzebfKI9icu3DDg