VLEN thotë se është fitues absolut i zgjedhjeve në Maqedoninë e Veriut

Koalicioni opozitar shqiptar VLEN tashmë ka nisur festën në Çair të Shkupit e në Tetovë, duke thënë se janë fitues absolut i këtyre zgjedhjeve.

Izet Mexhiti nga ky kamp politik tha se institucionet që kishin obligim mbarëvajtjen e procesit zgjedhor ishin në shërbim të BDI-së. Përgjegjësi për dhunimin e votës do të ketë, sipas tij.

Maskat ranë përfundimisht, BDI duke bojkotuar zgjedhjet presidenciale, parti që thotë që do të na dërgojë në Evropë, ka thënë ai, raporton Alsat.mk.

Pasi tha se “Çairi është i yni”, Izet Mexhiti ka filluar festën ku përkrahës të koalicionit VLEN kanë vërshuar rrugët.

Atmosferë festive, ku dëgjohen brohoritje dhe thirrje të simpatizantëve të VLEN.