Vlera e Bitcoinit po bie ndjeshëm

Foto ilustrim (Aleksi Räisä)

Vlera e Bitcoinit ka vazhduar të bjerë duke arritur në 25 mijë dollarë.

Sipas CoinMarketCap, kriptovaluta më e madhe në botë për nga vlera e tregut ka rënë për 20 për qind brenda një jave.

Aktualisht Bitcoin po tregtohet me 25 mijë e 196 dollarë, një rënie prej rreth 10 për qind për 24 orë.

Rënia e vlerës së aseteve dixhitale vjen në kohën kur edhe tregjet e aksioneve në botë janë në rënie. Bitcoin përbën rreth 50 për qind të tregut të kriptovalutave, me një vlerë totale prej 475 miliardë dollarësh.

Ethereum gjithashtu ka rënë në vlerë për më shumë se 30 për qind në javën e fundit.