Vogëlushi gjerman në “debatin” për të huajt: “Aty nuk ka të huaj, ka vetëm fëmijë!”

“A ka të huaj në kopshtin e fëmijëve? Jo, atje ka fëmijë”. Kjo përgjigje spontane e një fëmije 4 vjeçar gjerman është bërë hit në medet sociale në gjuhen gjermane, ai po klikohet dhe po merr pëlqime me të madhe.

Me përgjigjen e tij vogëlushi me emrin Niclas ka befasuar edhe këngëtarin e njohur të rapit, Fard, i njohur për qëndrimin e tij “cool”. “Argument i mirë. Shikojeni se sa lirshëm përgjigjet”, u drejtohet Fard shikuesve të vet.

Në të vërtetë Fard ishte mysafir i emisionit ku do të bëhej fjalë edhe për debatin rreth fluksit të madh të refugjatëve në Gjermani. Por gjatë xhirimit, në skenë vjen spontanisht voglushi Niclas. Pasi që ai e pyet Niclasin se a ka të huaj në kopshtn e tij, e merr pergjigjen spontane: “Jo, nuk ka të huaj, aty ka vetëm fëmijë”

Hiphop.de e ka vendosur këtë video në youtube me këtë titull: “Ekzistojnë 1000 përgjigje lidhur me çështjen e refugjatëve. Por të vetmen përgjigje të vërtetë na e jep një 4 vjeçar”. Dhe vazhdon: “Hiphop nuk njeh absolutisht asnjë kufi! Mendoni për këtë. Njeriu është njeri”.

Klipi, deri në mbrëmjen e të dielës ishte klikuar më shumë se 500 mijë herë.