Vritet komandanti i kosovarëve në ISIS, Ridvan Aqifi!

I njohur me nofkën Al-Kosovi, Ridvan Aqifi kishte qenë komandat i vullnetarëve shqiptarë që i janë bashkuar terroristëve në Siri e Irak. Në Gjilan, familjarët e tij kanë hapur të pamë

Njëri nga xhihadistët më të rrezikshëm të Kosovës në luftën e ISIS-it në, Ridvan Haqifi nga Gjilani, është vrarë gjatë luftimeve në Siri, thonë burimet pranë familjes së tij. I njohur me nofkën Al-Kosovi, Aqifi kishte qenë komandat i vullnetarëve shqiptarë që i janë bashkuar luftimeve në Siri e Irak.

Siç raporton RTK, familja e Ridvan Aqifit në Gjilan ka konfirmuar vdekjen e djalit të tyre, dhe ka hapur të pamë për ngushëllime.

Lajmin për vdekjen e Haqifit e kanë edhe Bashkësia Islame në Gjilan dhe Policia, por askush prej tyre nuk ka dashur të komentojë rastin.

Ridvan Haqifi, i angazhuar në luftërat në Siri dhe Irak nga korriku i vitit 2014, e zëvendësoi Lavdrim Muhaxherin si komandant i shqiptarëve në organizatën terroriste ISIS. Haqifi në qershor të 2015 kishte paralajmëruan Ballkanin për luftë në emër të hakmarrjes “ndaj atyre që kanë poshtëruar myslimanët” në Kosovë, Shqipëri, Maqedoni, Bosnje, e vende tjera.