Vritet një agjent i AKI-së në Siri

Mediat në Prishtinë rapotojnë se një bashkëpunëtor i Agjencisë Kosovare të Inteligjencës është dekonspiruar dhe ekzekutuar në Siri

Agjenti është vrarë në fillim të këtij viti, pak kohë pas dërgimit nga AKI-ja në cilësi të spiunit, shkruan gazeta “Koha Ditore”.

Detyra e viktimës ishte infiltrimi brenda grupeve xhihadiste shqiptare, pjesë e organizatave terroriste.

Burime të ndryshme, përfshirë ato në Agjencinë Kosovare në Inteligjencës, kanë bërë të ditur se ky agjent i rekrutuar pas përfshirjes së kosovarëve në luftën e Sirisë është ekzekutuar nga afërsia.

 Këto burime kanë shprehur dyshimin se ai është dekonspiruar dhe është ekzekutuar.

Duke cituar burime nga Agjencia thuhet  se agjenti nuk ishte trajtuar mirë duke u lënë pa ndihmë dhe pa udhëzime të nevojshme.