Vritet një çift serb në Talinoc të Ferizajt

Natën e të premtes, rreth orës 22, në Talinoc të Ferizajt janë vrarë Milovan dhe Liljana Jevtiq, burrë e grua.

Koordinatori për komunitetet pakicë në Komunën e Ferizajt, Milanko Janjiç ka thënë për agjencinë Beta se rrethanat e vdekjes së çiftit serb ende janë të pa qarta.

Sipas tij, policia i ka gjetur trupat e pa jetë në shtëpi, në fshatin Talinoc dhe hetimet janë duke vazhduar.

Çifti Jetviq ishte kthyer në Kosovë në vitin 2004.

Ndërkohë presidentja e Kosovës Atifete Jahjaga, dhe kryeministri Hashim Thaçi e kanë dënuar ashpër këtë vrasje, duke e quajtur atë si akt të rëndë që dëmton vlerat mbi të cilat po ndërtohet shoqëria demokratike e Kosovës.