Xhaka dëshiron një trofe evropian me Arsenalin

Keystone (AP Photo/Kirsty Wigglesworth)

Arsenali ka bërë një hap të madh drejt finales në Ligën e Evropës, ku takimi i parë u takoi anglezëve 3:1 në ballafaqim me Valencian.

Edhe në këtë ndeshje dyshja shqiptare, Shkodran Mustafi dhe Granit Xhaka ishin nga fillimi. Xhaka me notën 7.7, përcjell albinfo.ch.

Ai asistoi në golin e dytë për skuadrën londineze që është një hap afër finales në Baku.

“Ne treguam karakter. Edhe në javën e ardhshme ne duhet ta bëjmë përsëri atë”, ka shkruar Xhaka në profilin e tij në “Facebook”.

Ndryshe, ndeshja e kthimit në “Mestalla” zhvillohet pas një jave apo 9 maj, ndërsa finalja e madhe e Ligës së Evropës luhet në “Baku Olympic Stadium” më 29 maj.

Pas disa kritikëve nga tifozët, Xhaka po dëshmon se është një nga lojtarët shumë të rëndësishëm për skuadrën angleze, derisa është transferuar tre vite më parë nga Borussia Moenchengladbach.