Xhaka shkruan histori me Zvicrën, barazon arritjen e Shaqirit në Botëror

Kapiteni shqiptar gjeti rrugën e rrjetës në Botërorin 2026, pasi kishte shënuar edhe në edicionet e viteve 2014 dhe 2018, duke hyrë në një listë shumë ekskluzive të futbollit zviceran.

Kapiteni i Zvicrës, Granit Xhaka, ka shkruar një kapitull të ri në historinë e futbollit zviceran, duke u bërë vetëm futbollisti i dytë që arrin të shënojë gol në tre Kampionate Botërore të ndryshme, transmeton albinfo.ch.

Mesfushori me prejardhje nga Kosova realizoi në Botërorin 2026, pasi kishte gjetur rrugën e rrjetës edhe në edicionet e viteve 2014 dhe 2018.

Me këtë arritje, Xhaka i bashkohet Xherdan Shaqirit, i cili deri më tani ishte futbollisti i vetëm në historinë e Zvicrës që kishte shënuar në tre Botërorë të ndryshëm.

Ky rekord vjen si një tjetër dëshmi e karrierës së jashtëzakonshme të Xhakës, i cili vazhdon të jetë një nga figurat më të rëndësishme të kombëtares zvicerane dhe një prej futbollistëve shqiptarë më të suksesshëm në arenën ndërkombëtare./Albinfo.ch

---