Xherdan Shaqiri ka shënuar edhe dy super gola me fanellën e klubit Chicago Fire

screenshot

Ylli shqiptar, Xherdan Shaqiri, ka shënuar edhe dy gola të tjerë me fanellën e klubit nga Mayor League Soccer, Chicago Fire, shkruan albinfo.ch.

Xherdan Shaqiri ka shkëlqyer në fitoren e thellë 4-1 të Chicago Fire ndaj Inter Miamit të Lionel Messit.

Super ylli shqiptar realizoi dy gola ndaj ekipit të argjentinasit, me këtë të fundit që vazhdon të mungojë shkaku i lëndimit.

Pjesa e parë përfundoi pa gola, por në të dytën u shënuan plot pesë.

Llogarinë e golave e hapi pikërisht Shaqiri, që realizoi në minutën e 49-të për 1-0.

Inter Miami i barazoi shifrat në 1-1 nëpërmjet penalltisë së ekzekutuar nga Josef Martinez (53’).

Maren Haile-Selassie realizoi dy gola të shpejtë për Chicagon (62’, 66’), duke e çuar rezultatin në 3-1.

Xherdani i dha goditjen e fundit Inter Miamit, duke kompletuar dygolëshin e tij në minutën e 73-të për 4-1.

Chicago Fire është në vendin e tetë me 40 pikë, ndërsa Inter Miami është në të parafundit me 33 sosh, ndërsa Shaqiri ka pesë gola dhe pesë asistime.