Xherdan Shaqiri nis pushimet në bregdetin shqiptar

Shaqiri ka zgjedhur bregdetin shqiptar për pushimet verore, duke ndarë me ndjekësit dhe duke shprehur krenarinë e tij me flamurin kuqezi.

Xherdan Shaqiri, ka zgjedhur bregdetin shqiptar për të kaluar pushimet pas përfundimit të sezonit futbollistik, transmeton albinfo.ch.

Në një postim të publikuar në rrjetet sociale, ylli i FC Basel ka ndarë disa pamje nga Shqipëria, ku shihet duke shijuar ditët e pushimit në një jahtë.

Shaqiri ka shoqëruar fotografinë me flamurin shqiptar dhe disa emoji, duke treguar edhe një herë lidhjen e tij të fortë me rrënjët shqiptare.

Pushimet e futbollistit në bregdetin shqiptar kanë tërhequr vëmendjen e ndjekësve të tij, të cilët kanë reaguar me mijëra pëlqime dhe komente pozitive./Albinfo.ch

 

---