Yjet shqiptarë shprehin ngushëllime për vdekjen e futbollistit italian

Yjet shqiptarë të futbollit kanë shprehur ngushëllime për vdekjen e kapitenit të Fiorentinës, Davide Astori, i cili ndërroi jetë sot.

Ai është gjetur i vdekur në dhomën e hotelit. Raportohet se ai ishte në gjumë, derisa dyshohet se ka pësuar sulm në zemër, përcjell albinfo.ch.

Lorik Cana, Elseid Hysaj, Arlind Ajeti, Berat Gjimshiti, Samir Ujkani, Blerim Xhemaili dhe Valon Behrami kanë kujtuar Astorin përmes rrjeteve sociale.

“Nuk kam fjalë, u prehtë në paqe”, ka shkruar Hysaj, teksa Ajeti ka shtuar se me dhimbje është pranë miqve dhe familjarëve të Astorit.

Futbolli italian është tronditur nga vdekja e tij, derisa të gjitha ndeshjes e së dielës janë shtyrë për shkak të kësaj tragjedie.