Zaev: Marrëveshja ishte e vështirë, por më e madhe dëshira për të qenë pjesë e BE-së

“Unë dua këtu të bëj dallimin gjeografik: në jemi pjesa veriore e Maqedonisë. Greqia ka pjesën jugore dhe Shqipëria një pjesë tjetër. Kjo është fakt. Unë e kuptoj se sa e vështirë është zgjidhja. Është e vështirë për mua, për kombin tim...por më e madhe është dëshira për të qenë pjesë e Europës dhe detyrat që kemi për t'i përmbushur për gjeneratat e ardhshme”, vijoi ai.

Kryeministri Republikës së Maqedonisë (Veriore), Zoran Zaev, ka dhënë një intervistë për median europiane “Euractiv”, ku ka folur kryesisht për arritjen e marrëveshjes me Greqinë dhe anëtarësimin në NATO dhe BE, shkruan albinfo.ch.

I quajtur si „Macroni i Ballkanit“, Zaevi theksoi se marrëveshja mes Shkupit dhe Athinës ishte lehtë e arritshme, pasi kryeministri Aleksis Cipras ishte i majtë, por në anën tjetër, marrëveshja me Bullgarinë u arrit edhe pse kryeministri i atjeshëm është konservativ.

“Baza që na bashkon të gjithëve është familja e madhe europiane”, tha ai, përcjell albinfo.ch.

Pasi përmendi hezitimin e kryeministrit francez, Emanuel Macron, për t’i dhënë dritë jeshile hapjes së negociatave me Maqedoninë (Veriore) dhe Shqipërinë, që lidhet kryesisht me opozitën e fuqishme populiste të Le Pen, Zaev tregon për marrëveshjen e arritur mes Shkupit dhe Athinës.

“Unë dua këtu të bëj dallimin gjeografik: në jemi pjesa veriore e Maqedonisë. Greqia ka pjesën jugore dhe Shqipëria një pjesë tjetër. Kjo është fakt. Unë e kuptoj se sa e vështirë është zgjidhja. Është e vështirë për mua, për kombin tim…por më e madhe është dëshira për të qenë pjesë e Europës dhe detyrat që kemi për t’i përmbushur për gjeneratat e ardhshme”, vijoi ai.

Në fund Zoran Zaev theksoi se opozita e djathtë në Athinë dhe Shkup organizojnë protesta me stil të ngjashëm, por ata janë kundërthënës.
“VMRO-DPMNE kërkon anëtarësim të vendit në NATO dhe BE, ndërsa opozita greke fqinjësi të mirë me shtetet e rajonit. Kjo nuk do të arrihet pa një marrëveshje mes palëve”, tha në fund ai.