Zbulohet bateria që qëndron 400 vjet!

Hulumtuesit shkencorë të University of California (UCI) kanë zhvilluar një teknologji me të cilën një bateri litium-jonike mund të qëndrojë disa qindra vite

Kur laptopi ose telefoni, pas një kohe të përdorimit të tyre “kërkojnë” që gjithnjë më shpesh të mbushen në burimin e rrymës elektrike, konsiderohet se bateria është shpenzuar. Kjo për faktin se edhe bateritë rimbushëse ofrojnë vetëm një nujmër të caktuar të cikleve të mbushjes para se ta përfundojnë jetën e tyre, shkruan der Standard.

Shkencëtarët prej kohësh bëjnë përpjekje për të konstruktuar bateri që mundësojnë shfrytëzim më të gjatë dhe që kanë jetë më të gjatë, transmeton albinfo.ch. Dhe duket se një zbulim i tillë është realizuar së fundi, nga rastësia!

Hulumtuesit shkencorë të University of California (UCI) kanë zhvilluar një teknologji me të cilën një bateri litium-jonike mund të qëndrojë disa qindra vite.

Doktorantja Mya Le Thau nga universiteti në fjalë po provonte që me një eksperiment të t`i bënte më stabilë nano-telat për një bateri të zakonshme, pëercjell albinfo.ch. Por rastësisht ajo zbuloi diçka shumë më të vlefshme, një bateri me jetëgjatësi prej rreth 400 vitesh.

Këto bateri, pasi të mund të prodhohen, pritet se do të gjejnë përdorim të gjerë së pari në hulumtimin e Gjithësisë por edhe në telefona dhe në automjete.