Zgjedhjet në Hessen vendosin të ardhmen e Merkelit, rriten Të Gjelbërit dhe popullistët

Më konkretisht: gjermanët do votonin 25 deri 27 përqind CDU/CSU dhe vetëm 14 përqind të majtët e SPD. Kjo tregon se këta të fundit tashmë janë partia e katër në vend, përcjell albinfo.ch. Për koalicionin qeveritar kjo është vlera më e keqe, që ndonjëherë ka dalë nëpër anketa.

Dy anketa të fundit flasin qartë: partitë tradicionale gjermane Unioni dhe SPD po humbasin mbështetje, kurse përfitojnë Të Gjelbërit, pas rezultatit shumë të favorshëm në zgjedhjet baravareze, shkruan “Die Zeit”. Anketat janë kryer nga ARD dhe ZDF.

Më konkretisht: gjermanët do votonin 25 deri 27 përqind CDU/CSU dhe vetëm 14 përqind të majtët e SPD. Kjo tregon se këta të fundit tashmë janë partia e katër në vend, përcjell albinfo.ch. Për koalicionin qeveritar kjo është vlera më e keqe, që ndonjëherë ka dalë nëpër anketa.

Për Të Gjelbërit do votonin 19 deri 20 përqind e qytetarëve – kjo është shifra më e lartë prej shtatorit 2011. Ashtu si në Bajern partia e gjelbër është forca e dytë. Për popullistët gjermane AfD do votonin 16 përqind, kurse për FDP tetë deri 11 përqind, ndërsa për Die Linke nëntë deri dhjetë përqind.

Kur jemi te anketat, gjermanët bëjnë fajtor qeverisjen e tanishme kryesisht për shkak të CSU – e cila është partia më e madhe bavareze, por ka humbur mjaft mbështetës në krahasim të viteve të kaluara.

Në 29 tetor mbahen zgjedhjet në landin Hessen, ku do jenë vendimtare për të ardhmen e kancelares Angela Merkel. Shumë anëtarë besnik të saj, kanë filluar të dyshojnë nëse Merkel duhet të vijojë t’u prijë demokrastianëve – duke kujtuar momentet e fundit të Helmut Kohl në 1998.

Në dhjetor pritet të diskutohet e ardhmja e CDU, ku deri tani pozicioni i liderit nuk shihet kontestuese. Por në rast se në Hessen humbet CDU, atëherë kjo do të thotë edhe fundi i Angela Merkelit.

---