Zgjedhjet presidenciale në Austri, përfundimisht më 4 dhjetor

Të dy kandidatët hynë në raundin e dytë të votimit më datën 22 maj, ku fitues doli Alexander Van der Bellen. Megjithatë votimi ishte prishur nga ana e Gjykatës Kushtetuese pas ankesës së FPO dhe argumentimit me sukses për parregullsi të shumta procedurale

Austriakët më 4 dhjetor përfundimisht do ta kanë të drejtën për të votuar për presidentin e  shtetit të tyre. Kjo u bë e ditur pasi që parlamenti austriak  miratoi zyrtarisht datën 4 dhjetor për raundin e dytë të zgjedhjeve presidenciale mes ambientalistit Alexander Van der Bellen dhe ekstremistit të djathtë  Norbert Hofer.

Votuesit në Austri për herë të parë votuan në zgjedhjet presidenciale më 24 prill ku në garë ishin 6 kandidatë. Në atë kohë, më shumë vota mori kandidati i  Partisë Liberale (FPO)-së Norbert Hofer, ndërsa i dyti ishte ish lideri i dikurshëm i të gjelbërve,  Alexander Van der Bellen, njofton “albinfo.ch”.

Të dy kandidatët hynë në raundin e dytë të votimit më datën 22 maj, ku fitues doli Alexander Van der Bellen. Megjithatë votimi ishte prishur nga ana e Gjykatës Kushtetuese pas ankesës së FPO dhe argumentimit me sukses për parregullsi të shumta procedurale.

Tutje zgjedhjet u parashikuan të mbahen me 2 tetor, por procesi zgjedhor u ndryshua në muajin shtator nga qeveria për shkak të një defekti në prodhimin e fletëve të votimit dhe zarfeve për votën e postuar.

Si përfundim, i miratuar sot nga një shumicë me dy të tretat, u konfirmua data 4 dhjetor pasi mblodhi votat e partive social-demokrate SPO dhe konservatorëve OVP aleatë në një koalicion të madh, si dhe partive të opozitës të Gjelbrit dhe NEOS (liberalët).