Zgjedhjet presidenciale në Francë, garë e ngushtë mes Macron e Le Pen

Qytetarët francezë janë drejtuar nga kutitë e votimit për të votuar në raundin e parë zgjedhjeve presidenciale.

Emanuel Macron e Marin Le Pen pritet që në raundin e dytë të jenë dy kandidatët mes tē cilëve do të zgjedhin francezët, përcjell Albinfo.ch.

Rreth 48.7 milionë njerëz kanë të drejtë të votojnë, duke zgjedhur mes 12 kandidatëve që po konkurrojnë për të udhëhequr ekonominë e dytë më të madhe të Bashkimit Evropian dhe fuqinë e saj të vetme bërthamore.

Presidenti Emmanuel Macron po kërkon të bëhet presidenti i parë në detyrë që fiton rizgjedhjen pas  Zhak Shirak në 2002.

Sondazhet e opinionit publik, sipas euronews, parashikojnë se shefi i Elisezë pritet të jetë fitues i këtyre zgjedhjeve, edhe pse gara përballë Le Pen pritet të jetë e ngushtë.

Lufta në Ukrainë, menaxhimi i pandemisë ishin çështjet kryesore të fushatës elektorale që kanë udhëhequr votuesit francezë.

---