Zhbogar pret implementimin e marrëveshjes mes Maqedonisë e Greqisë

Ambasadori i BE-së, Samuel Zhbogar, ka deklaruar sot se pret që Presidenti i Maqedonisë të nënshkruaj marrëveshjen me Greqinë.

Ambasadori i BE-së, Samuel Zhbogar është shprehur se pret implementim të plotë të marrëveshjes me Greqinë për emrin deri në fillimin e vitit të ardhshëm.

Sipas mediave maqedonase, Zhbogar shpreson që Maqedonia të marrë ftesë për fillimin e negociatave për anëtarësim në BE në korrik të këtij viti.

Zhbogarnuk ka komentuar  qëndrimin e presidentit Ivanov, i cili ka deklaurar se nuk do e nënshkruaj ligjin për ratifikimin e marrëveshjes.

“Mendoj se marrëveshja e nënshkruar nga të dyja palët parasheh disa hapa lidhur me implementimin. Ne presim që nga fillimi i vitit të ardhshëm të shohim implementim të plotë të marrëveshjes. Unë besoj se marrëveshja e nënshkruar nga të dyja palët do të ndihmojë në krijimin e kushteve për qytetarët e këtij vendi të mbeten këtu, të krijojnë jetë dhe të ardhme më të mirë për ta. Mendoj se kjo është vlera më e madhe që e ka kjo marrëveshje. Javën e ardhshme pritet që vendet anëtare të BE-së të vendosin për datën e negociatave dhe shpresoj që vendet anëtare të rekomandojnë negociata. Nga ana tjetër, Komisioni Evropian para disa muajve rekomandoi hapjen e negociatave me vendin tuaj, por unë mendoj se me marrëveshjen e nënshkruar nga të dyja vendet, ato treguan përkushtim ndaj vlerave evropiane. Pres që vendet anëtare ta marrin në konsideratë këtë marrëveshje gjatë vendosjes së tyre për ndarjen e datës për negociata “, ka thënë  Samuel Zhbogar, ambasador i BE-së në Shkup.