Zhduket shqiptari 41 vjeçar në Gjermani

Një shqiptar 41 vjeçar  për më shumë se një javë shpallet i zhdukur në Oberhausen të Gjermanisë. Herën e fundit ai është parë me 17 korrik të këtij viti në spitalin e Obernahaus Johanniter.

Që nga ajo kohë ai është i zhdukur. 41 vjeçari nuk e njeh mirë vendin dhe as gjuhën gjermane. Ai po ashtu është i përdorues i rregullt i medikamenteve dhe pa to nuk guxon të rrijë, njoftojnë mediet gjermane, transmeton “albinfo.ch”.

Në kërkim të shqiptarit është vënë edhe policia gjermane, por deri më tash nuk ka asnjë gjurmë.

Personi i zhdukur është  1.76 cm i gjatë, 78 kg, ka sy ngjyrë kafe dhe flokë të shkurtër. Herën e fundit ka qenë i veshur me një bluzë të bardhë, pantallona sportive të gjatë me ngjyrë të kaltër, atlete ngjyrë kafe,  çorapë të zezë, orë dore dhe një unazë të arit në gishtin e unazës në dorën e djathtë, përcjell “albinfo.ch”.

Të gjithë ata që kanë informacione rreth vendndodhjes së tij, luten të lajmërojnë policinë e Obernahausenit në këtë numër telefoni (0208 8260) ose të shkruajnë në emailin (Poststelle.Oberhausen@polizei.nrë.de)