Zjarr në një kamp refugjatësh

Një kamp refugjatësh në kantonin Solothurn, në qytetin Biberist, ishte shkatërruar plotësisht pas një zjarri që shpërtheu të mërkurën, transmeton albinfo.ch.

Autoritetet policore lokale thanë se shkaqet e zjarrit deri tani janë ende të panjohura dhe se nuk ka të lënduar. 10 refugjatët që ndodheshin aty janë evakuuar në mënyrë të sigurt dhe zjarrfikësit kanë shuar flakët.

Vlerësimi i dëmeve do të marrë dy deri në tre ditë, tha një zëdhënës i policisë.

Rastet e sulmeve ndaj refugjatëve në Zvicër janë të rralla. Numri i azilkërkuesve në vend vitin e kaluar u rrit në 39.523.