Zjarri u merr jetën 7 fëmijëve sirianë në Kanada

Raportohet se shtatë fëmijë të një familje siriane kanë humbur jetën pasi një zjarr dogji shtëpinë ku jetonin në provincën Nova Scotia të Kanadasë.

Policia ka bërë të ditur se shtatë fëmijë, duke përfshirë një fëmijë tremuajsh, humbën jetën në orët e para të mëngjesit, përcjell albinfo.ch.

Prindërit e fëmijëve u plagosën gjatë përpjekjes për t’i shpëtuar ata.

Familja siriane u zhvendos në Kanada rreth dy vjet më parë për t’i shpëtuar luftës.

“E gjithë komuna është e pikëlluar dhe vëmendja jonë është me të dashurit e familjes”, tha kryetari i bashkisë në një deklaratë pas incidentit.

Zyrtarët lokal kanë pranuar se bëhet fjalë për një familje nga Siria që kishin ikur nga lufta, e fqinja e tyre Danielle Burt ka deklaruar se në këtë familje ishin shtatë fëmijë të moshës 3 muaj – 17-vjeç.