Zug nis matjen zyrtare të çmimeve të qirave

Kantoni më i shtrenjtë në Zvicër po kërkon më shumë transparencë në tregun e banesave

Autoritetet në kantonin Zug do të fillojnë të mbledhin dhe publikojnë statistika zyrtare për çmimet e qirave, pas rritjes së fortë të kostove të banimit vitet e fundit.

Sipas raportimeve, qëllimi është krijimi i një pasqyre më të qartë mbi tregun e banesave dhe evoluimin real të qirave në kanton, shkruan watson.ch, transmetonalbinfo.ch.

Zug konsiderohet prej kohësh një nga rajonet më të shtrenjta për banim në gjithë Zvicrën, falë taksave shumë të ulëta dhe pranisë së kompanive ndërkombëtare dhe personave me të ardhura të larta.

Politikanët lokalë dhe organizatat e qiramarrësve argumentojnë se mungesa e statistikave të detajuara e ka bërë të vështirë monitorimin e krizës së banesave dhe krahasimin real të çmimeve.

Në vitet e fundit, shumë banorë kanë paralajmëruar se qiratë në Zug janë bërë të papërballueshme për familjet me të ardhura mesatare, ndërsa mungesa e apartamenteve të lira vazhdon të përkeqësohet.

---