Zvicër: 126 infeksione të reja për një ditë me variantin e ri të koronës

Shumica e tyre nuk mund t'i atribuohet qartë ndonjërit prej mutacioneve të njohura, nga Britania e Madhe dhe Afrika e Jugut

Numri i infeksioneve të konfirmuara me koronavirus të mutuar në Zvicër është rritur për një ditë me 126 raste të reja, duke u ngjitur në 1674 raste.

Shumica e tyre nuk mund t’i atribuohet qartë ndonjërit prej mutacioneve të njohura, nga Britania e Madhe dhe Afrika e Jugut, shkruan srf.ch.

Sipas BAG, nga 1674 raste të konfirmuara deri më sot nga laboratori, 663 mund të caktohen në variantin britanik dhe 35 në Afrikën e Jugut, transmeton albinfo.ch. Në 976 rastet tjera nuk ka qenë i mundur klasifikimi në  asnjërin nga dy variantet.

BAG thekson përsëri se shifrat nuk janë përfaqësuese sepse kemi nënvlerësime të rënda nëpër kantone sa i përket klasifikimit në variante të reja të virusit. Kantonet kanë sekuencuar fare pak ose aspak material.

Deri më tani, kantoni i Gjenevës (256) ka raportuar numrin më të madh të mutacioneve, ndjekur nga kantonet e Cyrihut (244) dhe Bernës (208).

---