Zvicër: 528 raste të reja dhe 3 të vdekur në 24 orët e fundit

Kjo shifër  rrit mesataren 7-ditore në 369 raste në ditë, që është 20 për qind më shumë se në javën e kaluar

Zyra Federale e Shëndetit Publik (BAG) ka raportuar sot 528 raste të reja që kanë rezultuar pozitive pas testit për koronavirusin.

Kjo shifër  rrit mesataren 7-ditore në 369 raste në ditë, që është 20 për qind më shumë se në javën e kaluar, shkruan srf.ch. Trendi aktual po tregon rritje të një niveli të lartë, transmeton albinfo.ch.

Një numër kaq i madh i infeksioneve nuk është raportuar që nga fillimi i prillit.

Shkalla e testeve që kanë rezultuar pozitivisht në një mesatare 7 ditore aktualisht është 3.2 për qind. Kjo do të thotë se nga 100 teste, mesatarisht rreth 3 teste ishin pozitive.

Vëllimi mesatar i numrit të testeve të shtatë ditëve të fundit ishte 12,909 teste në ditë, një rritje prej 15 për qind krahasuar me javën e mëparshme.

BAG ka raportuar gjithashtu edhe 3 raste të reja të vdekjes nga Covid-19. Shtrimet në spital janë nga 6 persona në ditë, gjatë këtyre shtatë ditëve të fundit, përcjell albinfo.ch. Kjo është 21 për qind më shumë se në javën e kaluar.

---