Numri i vdekjeve nga Covid-19 arrin në 2960, raporton BAG

Keystone (Thomas Samson/Pool via AP)

Përveç infeksioneve të shumta, me mbi 257 mijë raste, BAG ka raportuar sot edhe 97 raste të reja të vdekjes nga Covid-19.

Ndërkohë që Zyra Federale e Shëndetit Publik (BAG) ka raportuar 6,739 raste të reja me koronavirus, të regjistruara gjatë 24 orëve të fundit, transmeton albinfo.ch.

Ky është numër i përafërt me atë të raportuar të enjten, (dje) kur ishin 6,924 raste infektimi, ndërkohë që ditë më parë infektimet lëviznin në më shumë se nëntë mijë infektime ditore, shkruan albinfo.ch.

Duhet theksuar se brenda 24 orëve janë kryer 32,765 teste dhe shkalla e pozitivitetit korrespondon me 20.6% për qind.

BAG sot dhe dje ka raportuar 191 raste të reja të vdekjes nga Covid-19. Nërkohë që numri total i vdekjeve nga fillimi i pandemisë e deri më tani ka arritur në 2960 viktima. /Albinfo.ch