Zvicër: Pedofilët e dënuar nuk mund të punojnë më me fëmijë

Zvicra do t’i ndalojë të gjithë pedofilët e dënuar që të punojnë me fëmijë. Ky vendim do të hyjë në fuqi vitin e ardhshëm, ka bërë të ditur qeveria zvicerane, shkruajnë mediat zvicerane.

Sipas këtij vendimi, gjykatësit janë të detyruar të vendosin një ndalim për këdo që ka kryer krim seksual ndaj një fëmijë apo të rrituri të prekshëm se nuk mund të punojnë më me fëmijë.

Të rriturit e prekshëm janë ata të cilët kanë një sëmundje dhe nuk janë në gjendje të rezistojnë ose të japin pëlqimin e tyre.

Sipas mediave zvicerane, edhe ngacmimi seksual do të përfshihet në listën e veprave penale, përcjell albinfo.ch.

Qytetarët zviceranë kanë mbështetur fuqishëm këto masa gjatë një referendumi të mbajtur gjatë vitit 2014.