Zvicër: Thirrjet për karantinë pesë-ditore vazhdojnë

Keystone

Ndërsa më shumë se 100,000 njerëz në Zvicër janë në izolim ose në karantinë parandaluese, ka më shumë thirrje për të shkurtuar kohëzgjatjen e izolimit të tyre në shtëpi, transmeton albinfo.ch.

Economiesuisse, organizata ombrellë për bizneset, po i kërkon qeverisë të zvogëlojë përgjysmë izolimin e personave të sëmurë që nuk kanë simptoma, përkatësisht nga 10 në pesë ditë.

Grupe të tjera biznesi po argumentojnë gjithashtu se ekonomia e Zvicrës nuk mund të funksionojë nëse gjysma e fuqisë punëtore mungon.

Megjithatë, ekspertët e shëndetësisë bëjnë thirrje për kujdes. Epidemiologia Olivia Keizer nga Universiteti i Gjenevës, është skeptike për shkak të mungesës së të dhënave shkencore për këtë çështje. “Nuk kam parë asnjë studim deri më tani që do të argumentonte në favor të një reduktimi në pesë ditë”, tha ajo.

Kantonet tashmë kanë shkurtuar kohëzgjatjen e karantinave për rastet e kontaktit në shtatë ditë, megjithëse personat e infektuar duhet të qëndrojnë në izolim për 10 ditë të plota. /Albinfo.ch

economiesuisse fordert eine Verkürzung der Frist für #Quarantäne und #Isolation auf 5 Tage bei asymptomatischen Personen. Erfahren Sie mehr dazu:https://t.co/kU7W3dRzg2

— economiesuisse (@economiesuisse) January 5, 2022