Zvicër: Vendimi i tretë i gjykatës për shoferin që “u kap” me 200 km/h

@pixabay

Një burrë në Cyrih, i cili u shpall i pafajshëm dy herë nga gjykatat pasi u kap duke vozitur me 200 km/h, më në fund është shpallur fajtor nga Gjykata Federale.

Burri argumentoi, dy herë me sukses, se po merrte ilaçe urgjente për zemrën në shtëpi te gruaja e tij – ai kishte frikë se ajo mund të kishte një atak në zemër.

Ndërsa dy gjykata më të ulëta e pranuan rastin e tij – gjyqtarët federalë e panë atë ndryshe, shkruajnë mediat zvicerane, përcjell albinfo.ch.

Ata vunë në dukje se ai e ngadalësoi shpejtësinë për një kamerë shpejtësie dhe se ai mund të kishte marrë një rrugë më të shkurtër dhe të mos kishte përdorur autostradën.

Gjykata Federale i ka thënë tani Gjykatës së Lartë të Cyrihut që të rishqyrtojë rastin.