Zviceranët kanë imunitet të lartë deri në 81 për qind ndaj Covid

Matteo Jorjoson @jorjoson

Përqindja e popullsisë së Zvicrës, e cila vlerësohet se është imune ndaj Covid, shkon deri në 81 për qind, transmeton albinfo.ch.

Ky nivel imuniteti u krijua ose nëpërmjet vaksinimit ose zhvillimit të antitrupave pas infeksionit.

Kështu e llogaritin zyrtarët shëndetësorë këtë normë: 75 për qind e banorëve nga 12 vjeç janë plotësisht të vaksinuar dhe shifrat nga studimet e popullsisë tregojnë se 6 për qind janë shëruar nga virusi.

Megjithatë, kjo përqindje është ende shumë e ulët për të hequr kërkesën për certifikatën Covid, sipas Virginie Masserey, drejtuese e seksionit të kontrollit të infeksionit në Zyrën Federale të Shëndetit Publik, pasi përqindja e njerëzve pa imunitet ndaj koronavirusit është ende e lartë dhe ata i frikësohen rrezikut të mbingarkesës së sistemit të kujdesit shëndetësor.