Zvicra synon regjistrimin e imamëve që vijnë nga jashtë

Bashkësia Zvicerane për Siguri, një këshill i përbërë nga federata dhe kantonet synon regjistrimit të imamëve që predikojnë në Zvicër. Bëhet fjalë para së gjithash për imamët që vijnë nga jashtë

Me rritjen e rrezikut nga ekstremizmi islamik në botë, edhe imamët që predikojnë në Zvicër janë objekt i dyshimeve. Në këtë drejtim janë shqyrtuar mundësi të ndryshme për të evituar rrezikun nga indoktrinimi.

Kështu, Bashkësia Zvicerane për Siguri, një këshill i përbërë nga federata dhe kantonet synon regjistrimit të imamëve që predikojnë në Zvicër. Bëhet fjalë para së gjithash për imamët që vijnë nga jashtë, thotë për “SonntagsBlick” Andre Duvillard, nga bashkësia në fjalë.

Për të realizuar këtë synim ai thotë se mund të merret shembulli i marrëveshjeve për integrim të cilat edhe sot lidhen me imamët që vijnë nga jashtë, transmeton albinfo.ch. Sipas tyre, atyre imamëve që nuk respektojnë marrëveshjet lidhur me njohuritë gjuhësore dhe kulturore,  autoritetet mund t`ua mohojnë lejen e qëndrimit në Zvicër.

Duke u ndërlidhur me këtë çështje, Jacqueline Fehr, drejtore për drejtësi në Qeverinë e Kantonit të Cyrihut ka thënë për gazetën se interes të lartë për autoritetet përbën njohja e prejardhjes së imamëve, arsimimi i tyre dhe orientimi fetar që ata kanë.