Zvicra bashkëpunon me Frontex-in për dëbimin e refugjatëve

Zvicra, në riatdhesimin e azilkërkuesve me vendim negativ të azilit po shton bashkëpunimin me autoritetin e BE-së për ruajtje të kufijve Frontex. Ky bashkëpunim bëhet edhe për faktin se kushton më lirë, thonë në Sekretariatin Shtetëror për Migracion (SEM). 

Kështu, një fluturim për dëbim refugjatësh nëse organizohet nga Zvicra kushton shtetit 14 mijë franga. Ndërsa përmes Frontex-it, vetëm rreth 3000 franga, shkruan albinfo.ch.

Azilkërkuesit në këto raste dërgohen fillimisht në njërin nga shtetet e BE-së, prej nga pastaj, së bashku me azilkërkuesit e vendeve përkatëse, nën mbikëqyrjen e BE-së transportohen përmes rugës ajrore për në vendet e prejardhjes.

Vetëm gjatë pesë muajve të kaluar përmes kësaj rruge janë riatdhesuar nga Zvicra refugjatë me 34 fluturime, shumica e të cilëve në shtete afrikane, përcjell albinfo.ch njoftimin e SEM-it. Ky është numër dukshëm më i madh se në vitet tjera. Gjatë tërë vitit 2014 kanë qenë 41 ndërsa gjatë vitit 2015, 45 fluturime të tilla. Ndërsa po gjatë kësaj periudhe, 23 fluturime tjera për riatdhesim të refugjatëve, Zvicra i ka organizuar e vetme.