Zvicra dhe SHBA bien dakord për shkëmbimin e kursantëve dhe profesionistëve të rinj

Foto: U.S. Embassy Bern @USEmbassyBern, X

Marrëveshja midis dy vendeve “do ta bëjë më të lehtë për të rinjtë zviceranë të marrin trajnime në SHBA dhe për amerikanët që të bëjnë të njëjtën gjë në Zvicër”, tha Këshilli Federal në një deklaratë për shtyp.

Ai u drejtohet veçanërisht të rinjve zviceranë dhe amerikanë nga mosha 18 deri në 35 vjeç.

Ata që dëshirojnë të marrin pjesë në programin e shkëmbimit duhet ose të jenë në trajnim ose të kenë një diplomë profesionale ose kualifikim të arsimit të lartë.

“Kjo është një ditë e rëndësishme për Shtetet e Bashkuara dhe Zvicrën pasi brezi i ardhshëm i punëtorëve të kualifikuar tani mund të udhëtojë dhe të fitojë përvojë të vlefshme përmes një programi shkëmbimi reciprok midis kombeve tona”, sipas Scott C. Miller, ambasador i SHBA-së në Zvicër. “I inkurajoj bizneset amerikane dhe zvicerane që të krijojnë mundësi për këta profesionistë për të forcuar aftësitë e tyre dhe për të promovuar prosperitetin tonë të përbashkët”.

Për pjesëmarrësit zviceranë dhe amerikanë, lejet e qëndrimit dhe të punës lëshohen deri në 12 muaj, me mundësi vazhdimi për gjashtë muaj.

Projekti do të hyjë në fuqi nga 30 nëntori./The Local