Zvicra, e shtata në botë me numrin e vdekjeve nga Covid-19

Specialistët në konferencën për media kanë theksuar se infeksionet me mutacionin e ri mund të trajtohen njësoj sikur ato "të vjetrat"

Martin Ackermann, kryetar i Task Forcës Shkencore Kombëtare COVID-19 të Zvicrës, ka bërë një bilanc të zymtë, duke komentuar mbi shifrat aktuale të BAG.

“Kjo është një pamje e çastit, një fotografi”, ka sqaruar Ackermann”, mesatarisht 80 njerëz vdesin nga koronavirusi çdo ditë, transmeton albinfo.ch. Kështu, ne jemi në vendin e 7-të në të gjithë botën, bazuar në numrin e popullsisë”.

Ackermann këtë e ka thënë pak më parë, në konferencën për media që po mbahet në Bernë nga specialistët e pandemisë dhe autoritetet shëndetësore të vendit.

“Ne supozojmë se infeksionet nga mutacionet e reja janë më pak se 1 për qind” në krahasim me ato të mërhershmet, thotë Ackermann.

“Kjo duket sikur nuk tingëllon shumë. Por shembulli i Londrës tregon se sa shpejt mund të ndodhë kjo, përcjell albinfo.ch. Qeveria britanike ka informuar OBSH-në në mes të dhjetorit se mutacioni i ri tani është shkaktar për shumicën e infeksioneve të reja”.

Megjithatë, specialistët në konferencën e përmendur për media kanë theksuar se, bazuar në njohuritë e deritashme, infeksionet me mutacionin e ri mund të trajtohen njësoj sikur ato “të vjetrat”.

---