Zvicra, edhe me ushtarë në mbrojtje të kufijve

Të angazhuarit në mbrojtje të kufirit, maksimalisht 50 sish, nuk do të jenë ushtarë të thjeshtë ose rekrutë por ushtarakë profesionistë

Pjesëtarët e Forcave të Armatosura, gjatë vitit të ardhshëm do të jenë në dispozicion për të mbështetur trupat kufitare në mbrojtjen e kufijve të Zvicrës. Bëhet fjalë për maksimalisht 50 ushtarë që do të marrin këtë funksion, njofton srf.ch. Këtë e ka kumtuar sot ministri i financave Ueli Maurer në konferencën për media që e ka mbajtur sot në Adelboden të Kantonit të Bernës.

Siç ka precizuar ai më tutje, të angazhuarit në mbrojtje të kufirit nuk do të jenë ushtarë të thjeshtë ose rekrutë por ushtarakë profesionistë, transmeton albinfo.ch. Maurer ka thënë po ashtu se në parim, ushtarët do të kryenin detyra të njëjta sikurse edhe rojtarët e kufirit. Por, ka shtuar ai, “ata nuk do të patrullojnë me pushkë automatike”.

Sidoqoftë, për të marrë vendimin nevojitet miratimi edhe nga Këshilli Federal (Qeveria) dhe nga Parlamenti.