Zvicra ekstradon Oricin në Bosnjë

KEYSTONE

Zvicra ekstradon të dyshuarin për krime lufte, Naser Oric. Mirëpo, jo në Serbi, siç ekzistonte frika por në shtetin e tij, në Bosnjë e Hercegovinë.

Ish komandanti i forcave të armatosura myslimane të Bosnjës, Oric, ishte arrestuar javë më parë në Gjenevë në bazë të kërkesës së Serbisë. Serbia e kërkonte nga Zvicra ekstradimin e tij ndërsa Zyra Federale për Drejtësi ka vendosur sot që ai të ekstradohej në Bosnjë e Hercegovinë, raportojnë mediet zvicerane.

Pas Serbisë, Oricin e kishte kërkuar edhe Bosnja me theksin që ai të mos i dorëzohej Serbisë. Prokuroria pëgjegjëse e Bosnjës kishte ngritur po ashtu padi kundër shtetasit të saj dhe është e gatshme të presë dëshmi edhe nga homologët serbë rreth krimeve eventuale të luftës të kryera nga Orici.