Zvicra konfirmon ndihmë Maqedonisë deri më 2016

Promovohet Strategjia për Bashkëpunim të Zvicrës me Maqedoninë për periudhën 2013-2016. Investimi zviceran parashikon tri fusha: demokraci, ekonomi dhe ujëra

 Nën organizimin e Ambasadës së Zvicrës dhe Zyrës Zvicerane për Bashkëpunim, të enjten në Shkup u promovua Strategjisë për Bashkëpunim të Zvicrës me Maqedoninë për periudhën 2013-2016. Ceremonia u mbajt në rezidencën zvicerane në Shkup, ku morën pjesë edhe përfaqësuesit e institucioneve të Maqedonisë

Ministri i Mjedisit jetësor dhe Planifikimit Hapësinor, Abdilaqim Ademi, i cili e vlerësoi lartë angazhimin e qeverisë zvicerane për zhvillimin e Maqedonisë.

Prej pavarësisë së saj dhe gjatë tranzicionit të Maqedonisë drejtë demokracisë pluraliste dhe ekonomisë së plotë tregtare funksionale, Zvicra është përpjekur gjithmonë që të sigurojë një mbështetje dhe bashkëpunim përkatës.

Duke filluar nga viti 1992, Programet e realizuara nga Agjencia Zvicerane për Zhvillim dhe Bashkëpunim (SDC) dhe Sekretariati Shtetëror për Çështje Ekonomike (SECO) kanë përfshirë fusha të ndryshme tematike.

Strategjia e Re për Bashkëpunim me Maqedoninë për periudhën 2013-2016 është planifikuar që të realizohet përmes bashkëpunimit në tri fusha: Menaxhimit demokratik dhe decentralizimit, Zhvillimit ekonomik dhe Ujërat.

Sipas ambasadorit zviceran Stefano Llazaroto qëllimi më i gjerë për këtë Strategji për bashkëpunim është që Zvicra ta mbështes tranzicionin e Maqedonisë drejtë ekonomisë sociale inkluzive tregtare dhe sistemit demokratik politik në kontekst të integrimit evropian në vend.

Për realizimin e këtyre qëllimeve të Strategjisë do të dedikohen 85 milion franga zvicerane. Në këtë ngjarje mori pjesë dhe foli edhe zëvendës kryetari i Qeverisë i obliguar për çështje evropiane Fatmir Besimi.