Zvicër: Sanksione të reja ndaj Rusisë, ‘ngrihen’ asete prej 7.5 miliardë frangash

Zvicra ka zgjatur shtrëngimin e saj lidhur me Ukrainën mbi asetet ruse dhe tani ka ngrirë një total prej 7.5 miliardë frangash (8 miliardë dollarë, 7.3 miliardë euro).

Zyrtari i Ministrisë së Financave, Erwin Bollinger, muajin e kaluar kishte dhënë një vlerësim fillestar prej 5.75 miliardë frangash – duke përfshirë pasuritë e paluajtshme të zotëruara nga shtetas rusë me bazë në Zvicër – ndërsa parashikonte se shuma do të rritej, njofton albinfo.ch.

Zvicra, tradicionalisht neutrale, vendosi katër ditë pasi Rusia pushtoi Ukrainën më 24 shkurt për t’u lidhur me sanksionet e Bashkimit Evropian kundër Moskës, duke i detyruar bankat të transmetojnë informacione për klientët ose firmat e synuara.

Menjëherë pas pushtimit, Presidenti Ignazio Cassis paralajmëroi se neutraliteti nuk mund të barazohej në praktikë me indiferencën përballë agresionit rus.

Partia Socialiste e Zvicrës madje i tha AFP-së të enjten se i konsideronte sanksionet si një përgjigje shumë “pasive” dhe ishte ankuar në qeveri.

Ministria e Financave theksoi se kishte hartuar një dokument që këshillonte autoritetet kantonale se si duhet të zbatohen sanksionet.

Ky shtet tani ka ngrirë një total prej 7.5 miliardë frangash (8 miliardë dollarë, 7.3 miliardë euro). /Albinfo.ch

---